Vanpretresno vijeće bjelopoljskog Višeg suda produžilo je pritvor Petru Duloviću iz Bijelog Polja, kojem se sudi zbog krivičnog djela pokušaj ubistva. Prema optužnici, Dulović je na benzinskoj pumpi u Rasovu dva puta ubo nožem-britvom Bojana Bogavca, zadajući mu teške tjelesne povrede. Prilikom saslušanja je rekao da je Bogavca ubo britvom tek nakon što ga je ovaj sa sinovcem Danilom izudarao palicama.
– Uhvatio sam Bojanu palicu, zarotirao ga udesno i tada sam mu zadao jedan udarac u desni slabinski dio leđa – kazao je u bjelopoljskom Višem sudu Dulović.
On odgovara za pokušaj ubistva. Dulović je rekao da se ne sjeća da je drugi put udario oštećenog.
Bogavac je tvrdio da je palicom više puta zamahivao, ali da je samo jednom udario optuženog.
Njegov sinovac Danilo Bogavac ispričao je da je vidio kada je Dulović prvi put nožem udario njegovog strica, koji je jednom nogom bio van automobila.
– Tada ga je Bojan, braneći se, udario kaligrafskim svitkom po ruci – kazao je Danilo, dodajući da je taj predmet imao u automobilu jer je umjetnik i profesor umjetnosti.
Ovaj svjedok je u istrazi tvrdio da je Bojan sjedio u automobilu, kada ga je Dulović povrijedio nožem, ostajući pri iskazu datom sudu.
Objasnio je da mu je bilo od ranije poznato da postoji sukob između njih zbog djevojke.
Taj svjedok je rekao da je policija mogla da spriječi sukob – da su Dulovića nakon njihove prijave prijetnji i poziva na javni obračun zadržali u stanici.
Prema optužnici, Dulović je na benzinskoj pumpi u Rasovu dva puta ubo Bogavca britvom, zadajući mu teške tjelesne povrede.
Suđenje se nastavlja 14. novembra.M.N.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.